CNA
കൊച്ചി:
കിരണ്‍ ലാല്‍ സംവിധാനം ചെയ്ത് ദിവ്യ എ എം തിരക്കഥയും നിര്‍മ്മാണവും നിര്‍വഹിച്ച് അനിമെട്രി ആനിമേഷന്‍സ് 2021 ല്‍ പുറത്തിറക്കിയ 'ലൂയിസ് ആന്‍ഡ് ദി വിച്ച്' എന്ന 3D ആനിമേറ്റഡ് ഷോര്‍ട്ട് ഫിലിമിന് ഗോവ ഇന്റര്‍നാഷണല്‍ ഫിലിം കോംപ്പെറ്റീഷനില്‍ (GIFC) ഒന്നാം സ്ഥാനം ലഭിച്ചു.
'ഈ ചിത്രം ഒരുപിടി ആനിമേറ്റഡ് കലാകാരന്മാരുടെ മാസങ്ങള്‍ നീണ്ട പ്രയത്‌നത്തിന്റെ ഫലമായാണ് പൂര്‍ത്തീകരിച്ചത്. 'ലൂയിസ് ആന്‍ഡ് ദി വിച്ച്' ഒരു ഫാന്റസി കോമഡി ചിത്രമാണ്. ഇത് 'Louis and the Witch' ടീമിന്റെ കഠിനാധ്വാനത്തിന് ലഭിച്ച ഏറ്റവും വലിയ അംഗീകാരമായി കണക്കാക്കുന്നു.' എന്ന് ചിത്രത്തിന്റെ സംവിധായകന്‍ കിരണ്‍ ലാല്‍, സിനിമ ന്യൂസ് ഏജന്‍സിയോട് പറഞ്ഞു.
ബിസൈര്‍ വാലിയുടെ ദേവതയായ അദേനയെ കീഴ്‌പ്പെടുത്താന്‍ സ്‌കാര്‍ലെറ്റ് എന്ന അതിക്രൂരയായ മന്ത്രവാദിനി നടത്തുന്ന മന്ത്രവാദവും അതിനോടാനുബന്ധിച്ചു നടക്കുന്ന സംഭവവികസങ്ങളുമാണ് കഥയില്‍ പ്രതിപാതിക്കുന്നത്.
കുട്ടികള്‍ക്ക് മാത്രമല്ല ഏതു പ്രായക്കാര്‍ക്കും കാണാവുന്ന രീതിയിലാണ് ചിത്രമൊരുക്കിയിരിക്കുന്നതെന്ന്.
'ലൂയിസ് ആന്‍ഡ് ദി വിച്ചി'ന്റെ കഥാകാരന്‍ നിസാം മുഹമ്മദാണ്. ശബ്ദം- ഫെമി ഷാജി, പശ്ചാത്തല സംഗീതം- നിക്‌സണ്‍ ജോയ്, സൗണ്ട് എഡിറ്റിംഗ്, റെക്കോര്‍ഡിങ്- മാത്യൂസ് ഹൈജന്‍, കോണ്‍സെപ്റ്റ് ലീഡ്- ഷിനു പി ചാക്കോ, അനിമാറ്റിക് ലീഡ്- സുനില്‍ കുമാര്‍ എന്നിവരാണ് നിര്‍വ്വഹിച്ചിരിക്കുന്നത്.
ലോക്ക്ഡൗണ്‍ കാലത്തായിരുന്നതിനാല്‍ പൂര്‍ണമായും വര്‍ക്ക് ഫ്രം ഹോം ആയിട്ടാണ് അനിമെട്രിയിലെ കലാകാരന്മാര്‍ 'ലൂയിസ് ആന്‍ഡ് ദി വിച്ച്' പൂര്‍ത്തീകരിച്ചത്.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
